Friðingarnevndir

Friðingarnevndirnar, eru valdar við heimild í § 10 í løgtingslóg nr. 48 frá 9. juli 1970 um náttúrufriðing.

Friðingarnevndirnar skulu viðgera mál um loyvi til bygging, vegagerð o.a. á økjum, sum eru fevnd av §§ 2-4 og mál um friðing sambært § 6 í lógini.

Friðingarnevndirnar hava vanliga fund eftir áheitan frá kommununum ella einstaklingum, ið ynskja mál um friðing tikin upp ella ynskja at fáa eitt loyvi.

Nevndirnar hava harumframt fund eftir egnum ynski.

Sýslumenninir eru formenn í nevndunum og samskipa eisini arbeiðið hjá nevndunum.

Nevndirnar eru valdar fyri 6 ár í senn, seinast 26. juli 2019.