Uppskot til broyting í kunngerð um reglur fyri fiskavirkisskipanina og útgjald av arbeiðsloysisstuðli til arbeiðsleys á fiskavirkjum
Umhvørvismálaráðið sendir við hesum uppskot til kunngerð um broyting í kunngerð um reglur fyri fiskavirkisskipanina og útgjald av arbeiðsloysisstuðli til arbeiðsleys á fiskavirkjum (Um at strika kravið um at vera tøkur á arbeiðsmarknaðinum fyri at fáa arbeiðsloysisstuðul úr fiskavirkisskipanini) til ummælis.
Stýrið fyri ALS hevur heitt á landsstýriskvinnuna í Umhvørvismálum um at strika kravið um, at arbeiðsleys á fiskavirki skulu vera tøk á arbeiðsmarknaðinum fyri at hava rætt til arbeiðsloysisstuðul.
Broytingin, ið stýrið fyri ALS mælir til, er í tráð við verandi mannagongdir, og tí hevur uppskotið ikki umsitingarligar broytingar við sær. Umframt nevndu broyting verður inngangurin rættaður, so stytta heitið á heimildarlógini verður nevnt.
Møguligar viðmerkingar skulu vera Umhvørvismálaráðnum í hendi í seinasta lagi mánadagin 9. desember 2024 á teldupostadressu umhvorvi@umhvorvi.fo.
Uppskot Til Broytingarkunngerð 